მომსახურების პირობები

ბარათით გადახდა

ონლაინ გადახდისთვის შეგიძლიათ გამოიყენოთ ნებისმიერი საერთაშორისო საბანკო ბარათი:

• VISA
• MasterCard
• American Express

გადახდა ხორციელდება უსაფრთხო ელექტრონული გადახდის სისტემის მეშვეობით.

საბანკო გადარიცხვა

გადახდა შესაძლებელია ინვოისის საფუძველზე საბანკო გადარიცხვით.

აღნიშნული მეთოდი ხელმისაწვდომია როგორც ფიზიკური, ასევე იურიდიული პირებისთვის.

გადახდა ხელშეკრულების საფუძველზე

იურიდიულ პირებს ვთავაზობთ თანამშრომლობის ინდივიდუალურ პირობებს.

უფასო მიწოდება

500 ლარის ან მეტი ღირებულების შეკვეთებზე თბილისში მოქმედებს უფასო მიწოდების სერვისი.

რეგიონებში მიწოდება

რეგიონებში შეკვეთების მიწოდების ვადაა მაქსიმუმ 5 სამუშაო დღე.

დამატებითი პირობები

• ჰიპერმარკეტებიდან უფასო მიწოდების სერვისი მოქმედებს მხოლოდ იმ შემთხვევაში, თუ შეკვეთის ჯამური ღირებულება აღემატება 1500 ლარს.
• მიტანის სერვისი მოიცავს პროდუქციის ტრანსპორტირებას დანიშნულების მისამართამდე. მომსახურებაში არ შედის პროდუქციის მანქანიდან ჩამოტვირთვა, შენობაში შეტანა ან სართულზე ატანა.
• ონლაინ შეძენილი პროდუქციის ტრანსპორტირების ღირებულება გამოითვლება ავტომატურად შეკვეთის დასრულებისას, მიწოდების მეთოდის არჩევის შემდეგ.
• გაბარიტული ამანათების შემთხვევაში ტრანსპორტირების საფასური შეიძლება გამოითვალოს მოცულობითი წონის მიხედვით. თუ მოცულობითი წონა აღემატება ფიზიკურ წონას, გამოიყენება შემდეგი ფორმულა: სიგრძე (სმ) × სიგანე (სმ) × სიმაღლე (სმ) ÷ 5000
• ჩვენ ვუზრუნველყოფთ იმ პროდუქციის მიწოდებას, რომლის სიგრძე არ აღემატება 4 მეტრს.

დამატებითი ინფორმაციის მისაღებად გთხოვთ დაგვიკავშირდეთ.

საგარანტიო მომსახურება

საგარანტიო მომსახურება ვრცელდება მხოლოდ იმ პროდუქციაზე, რომელსაც თან ახლავს ოფიციალური საგარანტიო ტალონი.

საგარანტიო ტალონი მომხმარებელს გადაეცემა პროდუქციის შეძენის მომენტში.

გთხოვთ გაითვალისწინოთ, რომ საგარანტიო პირობები არ ვრცელდება იმ დაზიანებებზე, რომლებიც გამოწვეულია:

• მექანიკური ზემოქმედებით;
• არასწორი მონტაჟით ან ექსპლუატაციით;
• დაუდევრობით ან არამიზნობრივი გამოყენებით;
• ბუნებრივი ცვეთით;
• მწარმოებლის ინსტრუქციების დარღვევით.

ზოგიერთ პროდუქციაზე საგარანტიო მომსახურება შესაძლოა არ ვრცელდებოდეს ან ჰქონდეს განსხვავებული პირობები, რაც მითითებული იქნება კონკრეტული პროდუქტის აღწერაში ან საგარანტიო დოკუმენტაციაში.

პროდუქციის გადაცვლა

Sonniva Georgia უზრუნველყოფს პროდუქციის გადაცვლას შემდეგ შემთხვევებში:

• პროდუქციას აქვს ქარხნული წუნი (მექანიკური დაზიანების გარდა);
• შეკვეთის დამუშავების ან გაცემის პროცესში მოხდა შეცდომა და მომხმარებელმა მიიღო არასწორი მოდელი, ზომა, ფერი ან მახასიათებლების მქონე პროდუქცია;
• მომხმარებელს სურს პროდუქციის გადაცვლა სხვა ანალოგიურ მოდელში პროდუქციის მიღებიდან 14 კალენდარული დღის განმავლობაში.

გადაცვლის მიზნით მომხმარებელმა უნდა მიმართოს იმ ფილიალს, სადაც განხორციელდა შეძენა, ან დაუკავშირდეს კომპანიის წარმომადგენელს.

პროდუქციის დაბრუნება

მომხმარებელს უფლება აქვს დააბრუნოს შეძენილი პროდუქცია შეძენიდან 14 კალენდარული დღის განმავლობაში, თუ დაცულია შემდეგი პირობები:

• პროდუქცია არ არის გამოყენებული;
• შენარჩუნებულია პროდუქტის პირვანდელი მდგომარეობა;
• არ არის დაზიანებული შეფუთვა;
• შენარჩუნებულია ქარხნული იარლიყები, სტიკერები და დამცავი ელემენტები;
• პროდუქციას არ აღენიშნება ექსპლუატაციის ან მექანიკური დაზიანების კვალი.

კომპანია იტოვებს უფლებას უარი თქვას დაბრუნებაზე, თუ პროდუქცია არ აკმაყოფილებს ზემოთ ჩამოთვლილ პირობებს.

შეკვეთის შენახვის პირობები

იმ შემთხვევაში, თუ მომხმარებელმა შეკვეთის გაფორმებისას აირჩია თვითგატანის სერვისი და შეკვეთა სრულად არის გადახდილი, კომპანია უზრუნველყოფს პროდუქციის შენახვას 5 სამუშაო დღის განმავლობაში.

თუ აღნიშნულ ვადაში მომხმარებელი არ გამოცხადდება შეკვეთის გასატანად და წინასწარ არ შეათანხმებს შენახვის ვადის გაგრძელებას, Sonniva Georgia უფლებას იტოვებს:

• გააუქმოს შეკვეთა;
• დააბრუნოს პროდუქცია საწყობის მარაგში;
• საჭიროების შემთხვევაში დააკისროს დამატებითი შენახვის საფასური.